Die 29 decembris De die V infra octavam Nativitatis Domini 3 16 Sic Deus diléxit mundum, ut Fílium suum Unigénitum daret, ut omnis qui credit in eum non péreat, sed hábeat vitam ætérnam. Dicitur Glória in excélsis. Omnípotens et invisíbilis Deus, qui tuæ lucis advéntu mundi ténebras effugásti, seréno vultu nos, quǽsumus, intuére, ut magnificéntiam nativitátis Unigéniti tui dignis præcóniis collaudémus. Súscipe, Dómine, múnera nostra, quibus exercéntur commércia gloriósa, ut, offeréntes quæ dedísti, teípsum mereámur accípere. Præfatio de Nativitate, Quando adhibetur Canon romanus, dicitur Communicántes proprium. 1 78 Per víscera misericórdiæ Dei nostri, visitávit nos Oriens ex alto. Da, quǽsumus, omnípotens Deus, ut mysteriórum virtúte sanctórum iúgiter vita nostra firmétur.