Feria III infra octavam Paschæ 15 3-4 Aqua sapiéntiæ potávit eos; firmábitur in illis, et non flectétur, exaltábit eos in ætérnum, allelúia. Dicitur Glória in excélsis. Deus, qui paschália nobis remédia contulísti, pópulum tuum cælésti dono proséquere, ut, perféctam libertátem assecútus, in cælis gáudeat, unde nunc in terris exsúltat. Oblatiónes famíliæ tuæ, quǽsumus, Dómine, súscipe miserátus, ut, sub tuæ protectiónis auxílio, et colláta non perdat, et ad ætérna dona pervéniat. Præfatio paschalis I (in hac potíssimum die), Quando adhibetur Canon romanus, dicuntur Communicántes et Hanc ígitur propria. 3 1-2 Si consurrexístis cum Christo, quæ sursum sunt quǽrite, ubi Christus est in déxtera Dei sedens; quæ sursum sunt sápite, allelúia. Exáudi nos, omnípotens Deus, et famíliæ tuæ corda, cui perféctam baptísmatis grátiam contulísti, ad promeréndam beatitúdinem aptes ætérnam.