Feria IV infra octavam Paschæ 25 34 Veníte, benedícti Patris mei, percípite regnum, quod vobis parátum est ab orígine mundi, allelúia. Dicitur Glória in excélsis. Deus, qui nos resurrectiónis domínicæ ánnua sollemnitáte lætíficas, concéde propítius, ut, per temporália festa quæ ágimus, perveníre ad gáudia ætérna mereámur. Súscipe, quǽsumus, Dómine, hóstias redemptiónis humánæ, et salútem nobis mentis et córporis operáre placátus. Præfatio paschalis I (in hac potíssimum die), Quando adhibetur Canon romanus, dicuntur Communicántes et Hanc ígitur propria. 24 35 Cognovérunt discípuli Dóminum Iesum in fractióne panis, allelúia. Ab omni nos, quǽsumus, Dómine, vetustáte purgátos, sacraménti Fílii tui veneránda percéptio in novam tránsferat creatúram.