Feria VI infra octavam Paschæ 77 53 Edúxit Dóminus pópulum suum in spe, et inimícos eórum opéruit mare, allelúia. Dicitur Glória in excélsis. Omnípotens sempitérne Deus, qui paschále sacraméntum in reconciliatiónis humánæ fœ́dere contulísti, da méntibus nostris, ut, quod professióne celebrámus, imitémur efféctu. Pérfice, Dómine, benígnus in nobis paschálium múnerum votíva commércia, ut a terrénis afféctibus ad cæléste desidérium transferámur. Præfatio paschalis I (in hac potíssimum die), Quando adhibetur Canon romanus, dicuntur Communicántes et Hanc ígitur propria. 21 12-13 Dixit Iesus discípulis suis: Veníte, prandéte. Et accépit panem, et dedit eis, allelúia. Contínua, quǽsumus, Dómine, quos salvásti pietáte custódi, ut, qui Fílii tui passióne sunt redémpti, eius resurrectióne læténtur.